#燃動世界盃# 重温3天前的比賽 41歲C朗正選無波入！葡萄牙1:1賽和剛果民主共和國 C朗第六次出戰世界盃！葡萄牙今屆世界盃K組首戰，遇上非洲球隊剛果民主共和國，已經年屆41歲、第六次出戰世界盃嘅C朗拿度正選上陣，般奴費南迪斯、柏度尼圖等人支援C朗攻堅。 開波只係六分鐘，柏度尼圖左路傳中，祖奧尼維斯頭鎚頂入，助葡萄牙先開紀錄！但上半場補時最後一擊，韋沙回敬一記頭鎚破網，助剛果民主共和國追成1:1完半場。 換邊後葡萄牙大軍壓境，55分鐘簡些路曾展施掛射破網，可惜越位在先入球無效。而C朗全場三次起腳，都未能命中目標，最終葡萄牙只能1:1賽和剛果民主共和國，各得一分。 葡萄牙下一場會遇上新丁烏茲別克，C朗能否創造歷史，連續六屆世界盃有波入？ 雖然C朗冇入波，但我都好期待下埸比賽！